Хаартыска: https://t.me/aisen_nikolaev
«Азия оҕолоро» норуоттар икки ардыларынааҕы успуорт оонньууларын ыытыы кэмигэр 31 мэдиссиинэ пууна, ол иһигэр 15 пуун төгүрүк суукканы уонна 16 күнүскү өттүгэр үлэлиэхтэрэ. Бу туһунан Доруобуйа харыстабылын миниистирин бастакы солбуйааччы Дмитрий Сергин иһитиннэрдэ.
«Пууннарынан Дьокуускайдааҕы мэдииссинэ тэрилтэлэрин үлэһиттэрэ, ону тэҥэ чугастааҕы улуу тарынан киин балыыһалар исписэлиистэрэ тардыллыахтара. 15 сууканы төгүрүччү үлэлиир пууннар кыттааччылар, тириэньэрдэр, хамаандалар бэрэстэбиитэллэрэ, култуурунай бырагыраама кыттыылаахтара, волонтердар сылдьар миэстэлэринэн оонньуулар бүтүөхтэригэр диэри тэриллиэхтэрэ. Оттон 16 күнүскү пуун күрэхтэр ыытыллар сирдэринэн үлэлиэхтэрэ», — диэтэ Дмитрий Сергин.
Суукканы эргиччи пууннарга үлэлэтиигэ 1 №- дээх поликлиника, Дьокуускайдааҕы 2 №- дээх балыыһа, 3 №- дээх мэдиссиинэ киинэ, «Фтизиатрия» НПЦ, өрөспүүбүлүкэтээҕи оҕо сэллик санаторийа, онкологическай диспансер, 1 №-дээх мэдииссинэ национальнай киинэ, наркологическай диспансер, психоневрологическай диспансер, о.д.а. үлэлиэхтэрэ.
Күнүскү пуун үлэлэригэр чугастааҕы 14 киин балыыһалар быраастара Амматтан, Алдантан, Үөһээ Бүлүүттэн, Горнайтан, Мэҥэ Хаҥаластан, Намтан, Нерюнгриттан, Сунтаартан, Тааттаттан, Томпоттон, Уус Алдантан, Хаҥаластан, Чурапчыттан кэлэн кыттыахтара. Пуун үлэтигэр барыта 116 медик, ол иһигэр 58 быраас уонна 58 медсиэстэрэ үлэлиэхтэрэ. Анал тэрилинэн уонна оборудованиенан, матырыйаалынан толору хааччыллыахтара.
Күрэхтэһии уонна маассабай тэрээһиннэри ыытыы кэмигэр суһал мэдиссиинэ көмө биригээдэтэ уонна мэдииссинэ киинин анал биригээдэтэ үлэлиэхтэрэ. Оонньууларга бэлэмнэнии чэрчитинэн Саха сирин сүүмэрдэммит хамаандатын 250 спорстменыгар чинчийиилэр ыытылыннылар.
СӨ Ил Дарханын уонна Бырабыыталыстыбатын пресс-сулууспата
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…