Дьокуускайга бүгүн, бэс ыйын 25 күнүгэр, «Азия оҕолоро» оонньууларга кыттарга Беларуссия уонна Монголия Өрөспүүбүлүкэлэрин сүүмэрдэммит хамаандалара кэллилэр.
Эдэр атлеттары спортсменнар дэриэбинэтигэр түһэрдилэр. Беларусь Өрөспүүбүлүкэтин сүүмэрдэммит хамаандатыгар 12 успуорт көрүҥэр 16 сааһыгар диэри 144 эдэр спортсмен кыттыаҕа: баскетбол 3х3, бокс, волейбол, дзюдо, чэпчэки атлетика, остуол тенниһэ, буулдьанан ытыы, тустуу (көҥүл тустуу, кыргыттарга тустуу, греко-римскэй тустуу), тхэквондо уонна уус-уран гимнастика. Оттон Монголия эдэр спортсменнара тоҕус успуорт көрүҥэр бириистээх миэстэҕэ киирсиэхтэрэ.
Санатан эттэххэ, «Азия оҕолоро» оонньуу аһыллыытын сиэригэр-туомугар сарсын, бэс ыйын 26 күнүгэр киэһэ 19:00 чаастан көрөөччүлэри үс чаастаах бырагыраама күүтэр: спортсменнар уонна судаарыстыбалар былаахтарын дэлэгээссийэлэрин параада, вокальнай уонна хореографическай нүөмэрдэр, ону тэҥэ биллэр артыыстар кыттыахтара.
РФ Бэрэсидьиэнэ Владимир Путин «Азия оҕолоро» оонньуулары оҕо спортивнай успуордун эйгэтигэр саамай кэрэхсэбиллээх уонна табыллыбыт бырайыагынан ааҕар. Ил Дархан Айсен Николаев «VIII норуоттар икки ардыларынааҕы спортивнай оонньуулар норуоттар икки ардыларынааҕы биир бөдөҥ тэрээһининэн буолан, үрдүк таһымҥа ыытыллыаҕа» диэн бэлиэтээбитэ.
Ытык Күөлгэ 450 миэстэлээх лиссиэй, 100 миэстэлээх интэринээтин кытта тэҥинэн тутулла турар. [gallery ids="157377,157378,157379,157380"] Уота-күөһэ…
– Биир кыһалҕалаах боппуруоһунан тиийдибит. Кырдьаҕас ийэбитин быстах кэмҥэ түүҥҥү өттүгэр көрөр киһиэхэ – сиделкаҕа…
Өрөспүүбүлүкэ Судаарыстыбаннаһын күнүгэр тирэхтээхтик сайдыы V Хотугу пуорумун чэрчитинэн Дьокуускай куоракка Хотугу пуорум оскуолаларын Ассоциацията…
Кэлиҥҥи кэмҥэ куйаар ситиминэн араас сыһыарыылары оҥорон, дьон олоҕун-дьаһаҕын чэпчэтии, билиитин көрүүтүн кэҥэтии үксээбитэ кэрэхсэбиллээх.…
(Бүтүүтэ. Иннин манна ааҕыҥ). – Назар Иннокентьевич, кэлиҥҥи командировкаларыҥ бастакыттан төһө уратылаахтарый? – Билигин байыаннай…
– Биллэриилэри көрдөххө, сир учаастага бөҕө атыыланар. Сир учаастагын атыылаһарга тугу болҕомтоҕо ылыахха нааданый? Хайдах…