Дьокуускайга «Азия оҕолорун» иннинэ маассабай субуотунньуктар буолуохтара

Дьокуускайга «Азия оҕолоро» норуоттар икки ардыларынааҕы оонньуулары көрсө маассабай субуотунньуктар ыытыллыахтара. Бу туһунан мунньахха вице-премьер Дмитрий Садовников иһитиннэрдэ.

Бастакы маннык субуотунньук бэс ыйын 12 күнүгэр, онтон бэс ыйын 14 күнүгэр ыытыллыахтара. Бэс ыйын 19-24 күннэригэр күннэтэ ыытыллыахтара.

«Оонньуулары көрсө бары кылааппытын киллэрдибит, онон тэрээһин саҕаланыар диэри куорат тупсаҕай көстүүлэнэрин ситиһиэхпит», — диэн Дмитрий Садовников этэр.

Уокурутааҕы дьаһалтаны уонна муниципальнай тэрилтэлэри кытта судаарыстыбаннай былаас ситэриилээх уорганнара эмиэ кыттыһыахтара.

Хас биирдии биэдэмистибэҕэ территориялары анаатылар.