Дьокуускайга баһаар буолбут сириттэн эр киһи өлүгүн буллулар

Саха сиригэр суукка иһигэр тоҕус буруйу оҥоруу биэлиэтэннэ диэн СӨ дьуһуурунай борокуруора иһитиннэрэр.

Дьокуускайга 1985 с.т. эр киһи доруобуйатын улаханнык эчэттилэр. Мэҥэ Хаҥаласка уоруу, Үөһээ Бүлүүгэ массыынаны уоруу туһунан иһитиннэриилэр киирбиттэр. Дьокуускайга наркотигынан эргиммиттэрэ биллибит. Ленскэй куоракка эр киһи кутталлаах таһаҕаһы тиэйэргэ быраабы биэрэр сибидиэтэлистибэтэ подделка бэлиэлэрдээҕэ биллибит.

Дьокуускайга 1-ая База уулуссаҕа биир этээстээх мас дьиэ умайбыт, барыта 20 кв.м. иэннээх сир уокка былдьаммыт. Баһаары умулларан баран эр киһи өлүгүн булбуттар, кимин быһаараллар.

Киһи өлүүлээх суол быһылаана бэлиэтэммэтэ.

Суукка иһигэр итирик туруктаах алта суоппары туттулар.