Дьокуускайга баһаарга икки дьахтар эмсэҕэлээбит

Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн тоҕус киһини эвакуациялаабыттар.

Икки дьахтарга быраастар көмөлөрө ирдэннэ. Дьокуускай мэриятын пресс-сулууспата иһитиннэрэринэн, дьахталлары балыыһаҕа илдьибиттэр. Кинилэр буруоҕа үгээрдээн чэпчэкитик сүһүрбүттэр.

Баһаарга биир кыбартыыра улаханнык умайбыт. Уот сиэбит иэнэ 30 квадратнай миэтэрэ. Уот салгыы тарҕамматын диэн өссө икки кыбартыыра муостатын көтүрдүлэр.

Саҥа дьыллааҕы бырааһынньыктар иннилэринэ Уокурук дьаһалтата куорат олохтоохторун куттал суох буолуутун миэрэлэрин тутуһарга ыҥырар:

• Электрическэй тэриллэргит үлэлии туралларын уонна уот ситимин аһары туһаныллыбатын көрүҥ.
• Баһаар туһунан кэмигэр биллэрэрин курдук дьиэҕитигэр буруо датчиктарын туруораргыт сүбэлэнэр.
• Дьиэттэн куотан тахсар суоллар аһаҕастарын, мэһэйэ суохтарын хааччыйыҥ.
• Чүмэчи уонна фейерверк туттаргытыгар ордук сэрэхтээх буолуҥ.