Дьокуускайга баһаарга үс оҕо өлбүтүгэр ийэлэрин буруйдууллар

Дьокуускайга ийэ баһаарга үс кыра саастаах оҕото өлбүтүн иһин сууттаныа. Кинини сэрэҕэ суохтан өлүүгэ тиэрдиигэ буруйдууллар диэн СӨ Борокуратуурата иһитиннэрдэ.

Бу алдьархай түбэлтэ былырыын күһүн элбэх кыбартыыралаах мас дьиэҕэ тахсыбыт. Өлбүт оҕолортон улаханнара 2,5 саастаах, оттон кыралара — сэттэ ыйдаах этилэр.

Балаҕан ыйын 20 күнүгэр сарсыарда үс оҕо ийэлэрэ маҕаһыыҥҥа бородуукта атыылаһа барбытыгар дьиэҕэ соҕотох хаалбыттар. Оҕолортон биирдэстэрэ, силиэстийэ быһаарбатах уот турбут төрүөтүттэн, саала хоско аһаҕас уоту туран улахан баһаары күөдьүппүт. Баһаар түмүгэр оҕолор уокка ылбыт эчэйиилэриттэн, үһүөн быһылаан буолбут сиригэр тутатына өлбүттэр. «Буруйданааччы бэйэтин буруйун толору билиннэ», — диэн борокуратуураҕа бэлиэтээтилэр.