Байыаннай дьайыы кыттыылаахтарыгар сир учаастагын түҥэттилэр

Дьокуускайга сыл саҕаланыаҕыттан анал байыаннай дьайыы кыттыылаахтарыгар Тулагы-Киллэмҥэ уонна Табаҕаҕа баар 530 сир учаастагын түҥэттилэр. Бу туһунан киин куорат дьаһалтатын ТГ-ханаала иһитиннэрэр.

Учаастактары уочараттаах түҥэтии от ыйын 30 күнүгэр буолан ааста. 45 байыаннай дьайыы бэтэрээнэ Табаҕаҕа, оттон 52 — Тулагы-Киллэмҥэ сир учаастагын ыллылар.

«Бу сыл устата уопсайа 530 сир учаастага түҥэтилиннэ, ол иһигэр Табаҕаҕа — 212, Тулагы-Киллэмҥэ — 318», — диэн иһитиннэриигэ этиллэр. Салгыы түҥэтии туһунан официальнай иһитиннэрии хойутуу тахсыаҕа. Бары интэриэһиргиир боппуруостарынан сэрэдэҕэ 14:00-тэн 17:00 чааска диэри социальнай боппуруостар отделларыгар (Октябрьскай уул., 20/1 дь., 311 хос.) биэриэххэ сөп.