2024 сыл ахсынньы 2 күнүгэр «Биир ньыгыл Арассыыйа» баартыйа бэрэссэдээтэлин уопсастыбаннай приемнайыгар көрсүһүү буолбута. Баартыйа сэкирэтээрэ Айсен Николаев уонна «Аҕа сүбэтэ» уопсастыбаннай түмсүү бэрэссэдээтэлэ Егор Попов байыаннай дьайыы кыттыылааҕын огдообото Евгения Данилованы кытта көрсүбүттэрэ. Бу көрсүһүүгэ кини олорор дьиэтин усулуобуйатын тупсарар туһунан көрдөһүүтэ болҕомтото суох хаалбатаҕа.
Онон, Айсен Николаев дьаһалынан улахан үлэ саҕаламмыта. Үлэни Дьокуускай куорат Дууматын дьокутаата, Дьокуускай куорат Аҕаларын сүбэтин толорооччу дириэктэрэ Яков Оконешников сүрүннээбитэ. Үтүө дьыалаҕа көхтөөх аҕалары таһынан, социальнай эппиэтинэстээх хампаанньалар, уопсастыбаннай диэйэтэллэр, спортсменнар эмиэ кыттыспыттара.
Кулун тутар 10 күнүгэр Евгения Даниловаҕа күүтүүлээх күн үүнэн, үөрүүлээх быһыыга-майгыга киниэхэ саҥа дьиэ күлүүһүн туттардылар. Евгения Данилова бу улахан суолталаах дьыалаҕа көмөлөспүт, сүүрбүт-көппүт дьоҥҥо ис сүрэҕиттэн махтанна.
«Билигин уопсастыбаннай тэрилтэлэр гражданскай уопсастыба сайдыытыгар улахан оруолу оонньууллар. Бу сырыыга Дьокуускай куорат Аҕаларын сүбэтэ дьиэни үлэҕэ киллэриигэ улахан дьыаланы оҥордо. Лиидэрдэрбитигэр — «Биир ньыгыл Арассыыйа» баартыйа сэкирэтээригэр Айсен Сергеевич Николаевка уонна «Биир ньыгыл Арассыыйа» Дьокуускайдааҕы салаатын сэкирэтээригэр Евгений Николаевич Григорьевка махтанабыт. Туруоруллубут сорук кэмигэр хаачыстыбалаахтык оҥоһулунна», — диэн бэлиэтээтэ дьокутаат Яков Оконешников.
Эһиил тохсунньу 1 күнүттэн Арассыыйаҕа мунньуллар биэнсийэ төлөнөр кэмин сабаҕаланар болдьоҕо 270 ый буолуоҕа. Маннык…
Булуҥ улууһун Тиксии бөһүөлэгэр ахсынньы 24 күнүгэр буурҕа түспүтүнэн сибээстээн оскуолаларга, оҕо уһуйааннарыгар үөрэх тохтотулунна.…
Сунтаар улууһугар итирик туруктаах уруулга иккиһин олорбут олохтоох дьахтарга суут бириигэбэрин таһаарда. Дьахтар ити иннинэ…
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…