Дьокуускайга байыаннай дьайыы кыттыылаахтарыгар анаан аһымал кэнсиэр ыытыллыаҕа

«Биир ньыгыл Арассыыйа», уопсастыбаннай  өйөбүл ыстааба, «Якутская Арктика» түмсүү, «Аҕа дойдуну көмүскээччилэр» судаарыстыбаннай пуонда, Д.К.Сивцев-Суорун Омоллоон аатынан опера уонна балет тыйаатыра байыаннай дьайыы кыттыылаахтарыгар анаан «СЛАВА ГЕРОЯМ СВО» диэн аһымал кэнсиэри сарсын, бэс ыйын 12 күнүгэр, күнүс 16.00 ч. тэрийиэхтэрэ.

Кэнсиэргэ Сергей Зверев-Кыыл Уола аатынан национальнай үҥкүү тыйаатыра, ырыаһыттар Санита Ай, Варвара Аманатова, опера уонна балет тыйаатырын солистара Екатерина Корякина, Александр Емельянов, «Ярилов День», «Сияние севера», «Русь», «Туймаада», «Тетрис» ырыа, үҥкүү ансаамбыллара, култуура уонна ускуустуба кэллиэһин кэллэктиибэ,  «Кыыллаах арыы кыргыттара» ансаамбыл кыттыыны ылыахтара.

Аһымал кэнсиэр киирии усунуоһа: 1000 солк.