Дьокуускайга байыаннай дьайыыга аналлаах хоһоон ааҕыыга күрэх биллэрилиннэ

Дьокуускайга Арассыыйа норуоттарын сомоҕолоһууларын сылынан уонна Саха сиригэр Култуура сылынан «Байыаннай дьайыы туһунан хоһоон бэстибээлэ» диэн уус-уран ааҕыы күрэҕэ ыытыллар.

Бу тэрээһин биир дойдулаахтарбыт хорсун быһыыларын кэриэстээн уонна байыаннай дьайыы кыттыылаахтарыгар ананан, тохсунньу 19 күнүттэн олунньу 22 күнүгэр диэри ыытыллыаҕа.

Күрэх икки түһүмэҕинэн барар:

• Сүүмэрдиир түһүмэх: Тохсунньу 19 күнүттэн олунньу 22 күнүгэр диэри (кэтэхтэн, сайаапка хомуйуу).
• Түмүктүүр түһүмэх: Олунньу 22 күнүгэр (истэн, быһаччы кыттыы).

Сайаапкалары олунньу 22 күнүгэр диэри туталлар. Күрэх быраабылатынан кыттааччы байыаннай дьайыы кыттыылаахтарын туһунан биир хоһоону илиистэн эбэтэр өйтөн дорҕоонноохтук ааҕыахтаах.

Кыттааччылар саастарынан үс бөлөххө арахсаллар:

• 14 саастан 23 саастарыгар диэри;
• 24 саастан 35 саастарыгар диэри;
• 36 саастаахтар уонна онтон үөһэ.

Сиһилии маны маннык төлөпүөннэргэ билсиэххэ сөп: 455-855, +7 914 220-54-55.