Дьокуускайга байыаннай сулууспа туһунан сырдатар балааккалар тэриллиэхтэрэ

Дьокуускайга байыаннай сулууспаҕа хантараак түһэрсиэн баҕалаах дьоҥҥо информацияны тарҕатар сыаллаах балааккалар туруоруллуохтара. Бу туһунан сүүмэрдиир пуун инструктора Арассыыйа сэбилэниилээх күүстэрин старшай прапорщига Алексей Колесов брифинг кэмигэр биллэрдэ.

Бу курдук балааккалар Сынньалаҥ пааркатыгар уонна Автовокзал таһыгар туруохтара. Ону таһынан бу балааккаларга QR-куод баар буолуоҕа, ол нөҥүө байыастарга көмө үбү ыытыахха сөп.

«Балааккаҕа инструктордар байыаннай сулууспаҕа барар кыахтаах дьоҥҥо ирдэбиллэри, хантараак баттаспыттарга туох социальнай чэпчэтии уонна мэктиэлээһин көрүллэрин туһунан сырдатыахтара”, — диэн эттэ Алексей Колесов.