Хаартыска: Саргын Скрябин, ЯСИА
Бүгүн III Өрөспүүбүлүкэтээҕи «Норуот уонна аармыйа — биир сомоҕо» Фашизмы утары пуорум чэрчитинэн «Арассыыйа – мин устуоруйам» историческай пааркаҕа Хабаровскай куорат Илин байыаннай уокурук Офицердарын дьиэтин Байыаннай-историческай түмэлин пуондатыттан «Хорсун быһыы туһунан өйдөбүл» («Память о подвиге») диэн ааттаах ураты эспэнээттэрдээх быыстапка, байыаннай дьайыы байыаннай кэрэспэдьиэннэрин Ирина Ким, Александр Авдеев, Эдуард Самылин уонна Сергей Бордачев үлэлэрэ, ону тэҥэ фронтовой худуоһунньук Артём Журавлёв хартыыналарын быыстапкалара аһылыннылар.
Экспозициялар аһыллыыларыгар фронтан Фашизмы утары пуорумҥа кэлбит байыаннай дьайыы байыастара, Арассыыйа Федерациятын Дьоруойдара, РФ Бэрэсидьэнин иһинэн СӨ Бастайааннай бэрэстэбиитэлэ Андрей Федотов, «Соҕуруу» сэриилэр бөлөхтөрүн хамандыырын солбуйааччытын быстах кэмҥэ эбээһинэһин толорооччу, полковник Михаил Досугов, Илин байыаннай уокурук офицердара, Саха сирин ыччат уонна уопсастыбаннай түмсүүлэрин бэрэстэбиитэллэрэ кыттыыны ыллылар.
«Мерф» диэн позывнойдаах байыаннай фотограф Сергей Бордачев тус хаартыска-быыстапкатын аһыллыытыгар, быыстапкаҕа 2022 сылтан 2024 сылга диэри байыаннай дьайыы зонатыгар командировка кэмигэр оҥорбут ураты хаартыскалара киирбиттэрэ бэлиэтэннэ.
Экспозицияҕа сүүстэн тахса документальнай хаартыска уонна видео киирбит. Кинилэр байыаннайдар күннээҕи олохторун уонна сулууспаларын, ол иһигэр Саха сирин «Алмаз» СОБР этэрээтин үлэтин көрдөрөллөр. III Өрөспүүбүлүкэтээҕи Фашизмы утары пуорум кыттыылаахтарын улахан болҕомтолорун Уһук Илин олохтоохторун Иккис аан дойду сэриитигэр Кыайыыга киллэрбит кылааттарыгар уонна фашизмы утары охсуһууларыгар анаммыт экспозиция тарта.
«Арассыыйа – мин устуоруйам» историческай пааркаҕа быыстапкалар III Өрөспүүбүлүкэтээҕи «Норуот уонна аармыйа — биир сомоҕо» Фашизмы утары пуорум кэмигэр, сэтинньи 4 күнүттэн 7 күнүгэр диэри үлэлиэхтэрэ. Сиһилии: https://www.sakha.gov.ru/news/14889
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…