Дьокуускайга байыастарга психологическай трениннэр ыытыллыахтара

Байыаннай дьайыы кыттыылаахтарыгар сарсын, балаҕан ыйын 25 күнүгэр, Дьокуускайга нэһилиэнньэ дьарыктаах буолуутун киинин исписэлиистэрэ трениннэри ыыталлар.

Брифиҥҥэ СӨ нэһилиэнньэ дьарыктаах буолуутун киинин дириэктэрэ Николай Иванов кэпсээбитинэн, байыаннай дьайыыттан кэлбит байыастарга тэрээһин көмөлөһөр, өйөбүл буолар сыаллаах ыытыллар. Сарсын Петр Алексеев уулуссатын 19/3 нүөмэригэр, күнүс 14.00 ч. саҕаланар.

Кини дьарыктаах буолуу сулууспатыгар сыл саҕаланыаҕыттан 319  байыас уонна кинилэр дьиэ кэргэттэрин чилиэннэрэ сүбэ-ама көрдөөбүттэрин туһунан иһитиннэрдэ. Уопсайа 190-тан тахса байыас үлэнэн хааччылларыгар көмө оҥоһуллубут. Маны таһынан, сайыҥҥы сынньалаҥнарын кэмигэр 103 оҕо быстах кэмҥэ үлэлээбит. Оттон саҥа идэни ыларга билиҥҥитэ 32 киһи үөрэнэр.

Кини иһитиннэрбитинэн, дьарыктаах буолуу сулууспатын көмөтүнэн өссө икки байыас үлэнэн хааччыллыбыт. Олортон биирдэстэрэ Таатта улууһугар дьаһалтаҕа исписэлииһинэн, иккиһэ «Якутуголь» хампаанньаҕа киирбиттэр.

СӨ Ил Дарханын уонна Бырабыыталыстыбатын пресс-сулууспата