Дьокуускайга байыастарга сир учаастактарын түҥэтии салҕанар

Тохсунньу 30 күнүгэр Дьокуускай куорат Сир сыһыаннаһыыларын ааҕыныстыбатыгар байыаннай дьайыы кыттыылаахтарыгар сир учаастактарын түҥэтии буолан ааста. Сэрэбиэйгэ 58 киһи кытынна.

Сир учаастактара Табаҕа сэлиэнньэтигэр уонна Тулагы-Киллэм нэһилиэгэр бэрилиннилэр. Табаҕа сэлиэнньэтигэр 18 сир учаастага, оттон Тулагы-Киллэмҥэ 40 учаастак түҥэтилиннэ. 2025 сылга уонна 2026 сыл саҕаланыытыгар барыта 920 сир учаастага түҥэтилиннэ. Табаҕаҕа – 341, Тулагы-Киллэмҥэ – 579.

Салгыы учаастактары түҥэтии туһунан иһитиннэрии Дьокуускай куорат уокуруктааҕы дьаһалтатын саайтыгар уонна «ДИЗО г. Якутска» телеграм-ханаалыгар биллэриллиэҕэ. Бары интэриэһиргиир ыйытыыларгытынан социальнай боппуруостарга отделга маннык аадырыһынан билсиэххитин сөп: Дьокуускай к., Октябрьскай уул., 20/1 дь., 311 хос. Үлэлиир кэмэ — сэрэрдэ аайы 14:00-тэн 17:00-кэ диэри, диэн Дьокуускай куорат уокуруктааҕы дьаһалтатын пресс-сулууспата иһитиннэрэр.