Дьокуускайга балыыһа үлэһитэ көмүһү уорууга уорбаланар
ИДьМ 2 №-дээх полициятын отделыгар балыыһаҕа мал-сал анал харайар хостон көмүс киэргэллэр сүппүттэрин туһунан сайабылыанньа киирбит.
Бу туһунан СӨ ИДьМ пресс-сулууспата суруйар. Суһал-көрдүүр дьаһалларынан холуобунай ирдэбил үлэһиттэрэ уорбаланааччы 26 саастаах балыыһа үлэһитэ буоларын быһаарбыттар.
Бэрэбиэркэ кэмигэр биллибитэн, эмсэҕэлээччи дьахтар балыыһаҕа эмтэнэ киирбит. Малын-салын, ол иһигэр илдьэ сылдьыбыт көмүһүн балыыһаҕа анал мал-сал харайар хоско хаалларбыта чуолкайдаммыт. Уорбаланааччы ыскааптар күлүүстэрин көҥүл илдьэ сылдьан, дьахтар кыһыл көмүс сыабын, бөҕөҕүн уонна биһилэҕин уорбут. Хоромньу уопсай суумата 30 тыһ. солк. тахса буолбут. Билиҥҥи кэмҥэ уоруллубут көмүс хаһаайыҥҥа төннөрүллүбүт.
Араассыыйа Холуобунай Кодексатын 2 ч. 158 ыст. холуобунай дьыала тэриллибит.
Сообщить об опечатке
Текст, который будет отправлен нашим редакторам: