Дьокуускайга бартан дьахтар төлөпүөн уорбут

Атырдьах ыйын 16 күнүгэр күнүс 16:05 чааска  ИДьМ 4 №- дээх полициятын дьуһуурунай чааһыгар эр киһи суотабай төлөпүөнүн уорбуттарын туһунан сайабылыанньа биэрбит. Матырыйаалынай хоромньу суумата 17 000 солк. буолбут.

Бу туһунан ИДьМ пресс-сулууспата суруйар. Ол курдук, бар иһигэр биллибэт кыыс эр киһиттэн төлөпүөнүн уларсыбыт уонна төнүннэрбэккэ төлөпүөнү кыбынан таксига олорон барбыта быһаарылынна.

ИДьМ патрульнай-постовой сулууспатын үлэһиттэрэ 20 саастаах кыыс уорбаланааччыны туппуттар. Төлөпүөнү хаһаайыныгар төнүннэрбиттэр. Холуобунай Кодексынан холуобунай дьыала тэрилиннэ.