Хаартыска: Дьокуускай дьаһалтатын үөрэххэ управлениета.
Олунньу 22 күнүгэр Дьокуускайга «Осикат» диэн эбээннии чааһынай уһуйаан аһылынна. Бу киин куоракка эбээн тылынан үөрэтэр бастакы уһуйаан буолар.
Үөрүүлээх аһыллыы таһырдьа ыраастаныы, арчыланыы туомуттан саҕаланна.
Дьокуускай куорат дьаһалтатын үөрэххэ управлениетын начаалынньыга Мария Петрова кэлэн кытынна уонна оҕолорго, педагогтарга элбэх кинигэлэри — уус-уран литератураны уонна методическай босуобуйалары бэлэхтээтэ. Оскуола иннинээҕи үөрэхтээһиҥҥэ этнокултуурунай иитии, норуот үгэстэригэр үөрэтии улахан суолталааҕын бэлиэтээтэ.
Уһуйаан иитээччилэрэ бары эбээннии билэллэр, саҥараллар. Кинилэр оҕолорго эбээн норуотун олоҕун-дьаһаҕын, үгэстэрин, төрүт култуураларын үөрэтиэхтэрэ, эбээннии саҥа саппааһын кэҥэтиэхтэрэ, саҥарарга уһуйуохтара, оонньотуохтара. Маны тэҥэ, уһуйаан үөрэх управлениетын кытта оскуола иннинээҕи саастаах оҕолорго эбээн тылын, култууратын дириҥник үөрэтэр босуобуйаны оҥорон таһаарарга этии киллэрдилэр.
Бу маннык бэлиэ түгэҥҥэ Арктиканы сайыннарыы, хотугу норуоттар дьыалаларыгар миниистири солбуйааччы Михаил Погодаев, аҕыйах ахсааннаах хотугу норуоттар бырааптарыгар боломуочунай Константин Роббек, РФ норуоттарын төрөөбүт тылларын федеральнай институтун салайааччытын э.т. Наталья Ситникова, уопсастыбанньыктар, уо.д.а. кытыннылар.
Кырачааннар бары эбээннии таҥнан-симэнэн тахсан үҥкүүлээбиттэрэ, төрөөбүт тылларынан чуопчааран хоһоон аахпыттара, ыллаабыттара көрүөххэ олус үчүгэй.
Эр дьон балаҕан ыйын 5 күнүгэр Чурапчыттан 5 км тэйиччи сытар сиргэ тахсан барбыттар уонна…
Арассыыйаҕа ыччат сааһын 35-тэн 40-45 сааска диэри үрдэтиэхтэрин сөп. Бу туһунан Илиҥҥи экэнэмиичэскэй пуорум кэмигэр…
Бүгүҥҥүттэн Дьокуускайга элбэх кыбартыыралаах дьиэлэринэн уонна социальнай эбийиэктэринэн ититиини биэрии былааннанар. Бу туһунан ОДьКХ миниистирэ…
Балаҕан ыйын 6 күнүгэр Аҕа дойду Улуу сэриитин бэтэрээнэ, үлэ бэтэрээнэ, Таатта улууһун уонна Орто-Амма…
Социальнай ситимнэринэн байыаннай дьайыы кэмигэр өлбүт байыаннайдар көмүллүбүт Маҕан кылабыыһатын учаастагар грейдер үлэлии турара көстөр…
Балаҕан ыйын 8 күнүгэр дойду Бэрэсидьиэнэ Владимир Путин сорудаҕынан Арассыыйа норуоттарын тылларын күнүн бэлиэтииллэр. Бырааһынньыгынан…
