Дьокуускайга Бастакы куурус устудьуонун күнэ бэлиэтэниэ

Сыллата ыытыллар «Вливайся!» бүтүн университеттар холбоһуктаах бэстибээлэ балаҕан ыйын 10 күнүгэр киин куоракка «Юность» стадиоҥҥа Хотугулуу-Илиҥҥи федеральнай университет Бастакы куурус устудьуонун күнүн чэрчитинэн ыытыллыаҕа. Бу туһунан ХИФУ пресс-сулууспатыгар биллэрдилэр.

Бастакы куурус устудьуонун күнүгэр араас устудьуоннар бөлөхтөрүн кытта билсиһии, айай куруһуоктар уонна успуорт сиэксийэлэрэ буолуоҕа. Анал сиринэн дисциплинарнай дьоҕуру сайыннарыы таһымын быһаарыы тэрээһинэ буолара күүтүллэр.

«Сыл ахсын бэстибээл үс тыһыынча кэриҥэ устудьуону хабар. Бастакы куурус устудьуонун күнэ устудьуоннары кытта билсэргэ, интэриэһинэй тэрээһиннэргэ, куруһуоктарга эбэтэр сиэксийэлэргэ сурутарга кыах биэрэр. Быйылгы бэстибээлгэ 11 бөдөҥ устудьуоннар тэрилтэлэрин билиһиннэриэхтэрэ, 11 айар куруһуоктар уонна 24 успуорт көрүҥнэригэр сиэксийэлэр көрүлүннүлэр. ХИФУ дьоҕуру сыаналыыр уонна сайыннарар киинэ устудьуоннарга кэтээн көрүү өҥөтүн ыытыаҕа», – диэн устудьуоннар тэрилтэлэрин кытта үлэлиир отдел начаалынньыга Анна Осипова иһитиннэрдэ.

Быйыл университет икки улахан тэрээһини ыытар — Бастакы куурус устудьуонун күнүн  уонна «Вливайся!» бэстибээли. Устудьуоннар дьаарбаҥкаларын таһынан, фотозоналар, быыстапкалар, сынньалаҥ зоналара уонна фудкорт тэриллиэхтэрэ. Ону сэргэ ыҥырыылаах артыыстары кытта култуурунай бырагыраама уонна университет айар куруһуоктара буолара  былааннанар.  Тэрээһин балаҕан ыйын 10 күнүгэр «Юность» стадиоҥҥа күнүс 15.00 чаастан буолуоҕа.