Дьокуускайга бастыҥ оскуола остолобуойун быһаардылар

Дьокуускайга «Бастыҥ оскуола остолобуойа — 2025» Бүтүн Арассыыйатааҕы куонкурус муниципальнай түһүмэҕин түмүктэрин таһаардылар.

Кыайыыны Н.И. Шарин аатынан 39 №-дээх оскуола остолобуойа ылла. Ол туһунан киин куорат үөрэх управлениета иһитиннэрдэ. Бастыҥ оскуола остолобуойа аат иһин киин куорат түөрт оскуолата кииристэ. Куонкурус үс түһүмэхтэн турда — «Тематическай остуол», «Куттала суох ас-үөл блога» квест-практикум уонна «Хара холбуйа» повардар күрэстэрэ.

Ону таһынан куонкуруска оскуола остолобуойун бастыҥ повара быһаарылынна. Наҕарааданы А.Г. уонна Н.К. Чиряевтар ааттарынан Дьокуускайдааҕы национальнай гимназия повара Аина Лугинова ылла.

«Сыллата оскуола остолобуойдарын үлэлэрэ аныгы технология оборудованиетын хааччыйыы, саҥа ньымалары туһаныы оҕолору ураты амтаннаах уонна туһалаах аһынан-үөлүнэн аһатарга кыах биэрэр. Биһигини саҥа былааннар, саҥа менюлар, повардарга аналлаах куурустар уонна да атын тэрээһиннэн күүтэллэр», — диэн Дьокуускайдааҕы үөрэх управлениетын начаалынньыга Мария Петрова бэлиэтээтэ.