Хаартыска: https://t.me/veloykt
Бэлисипиэт тэбэри астынар дьон түмсүүлэрэ бэҕэһээ, кулун тутар 17 күнүгэр, саҥа сезону аһан, Дьокуускайтан Хатаска, онтон Аллараа Бэстээххэ айаннаан, бара-кэлэ 45 км кэриҥэ усталаах суолунан айаннаатылар. Бу туһунан https://t.me/veloykt ханаалга отчуот таҕыста.
“Билигин даҕаны бэлисипиэт тэбэргэ сөптөөх кэм кэлэ илик, онон маннык мууһунан, хаардаах суолунан айанныырга көлүөһэҕэ кыһыҥҥы, тимирдээх эрэһиинэ кэппит ордук. Оннук эрэһиинэ суох буоллаҕына, улахан моһуок буолбатах – арыый элбэхтэ охторго бэлэм буол”, — диэн этэр бу тэрээһин салайааччыта Евгений Никифоров. Сарсыарда 9 чаастан «Умуллубат уот» пааматынньыгын аттыттан түһүммүттэр. Суолга турунуохтарын иннинэ суол быраабылаларын тутуһар туһунан уонна ыраахтан көстөр тэтэркэй таҥас кэтэллэрин тоһоҕолоон эппиттэр.
40-тан тахса киһи суолга туруммутуттан тиһэх биэтэккэ 37 киһи кэлбит. Сорохтор Хатаска даҕаны тиийбэтэхтэр.
Сорохтор аһары чараастык таҥныбыттара мэһэй буолбут. Сарсыарда -29 кыраадыс эбит буоллаҕына, күнүһүн -15 кыраадыска диэри сылыйбыт. Ол эрэн, өрүс туспа килиимэттээх – уорааннаах салгын чараас таҥастаах киһини тулуппат.
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…