Дьокуускайга бэлисипиэттээх эдэр уолу түҥнэри көппүттэр

Дьокуускайга Очиченко уулуссаҕа биллибэт суоппар бэлисипиэттээх киһини түҥнэри көтөн баран, суол быһылаана тахсыбыт сириттэн куоппут.

Бу чахчынан бэрэбиэркэ ыытылларын туһунан киин куораттааҕы Госавтоинспекция сулууспата иһитиннэрдэ.

Суол быһылаана от ыйын 23 күнүгэр киэһэ 23:00 чаас саҕана тахсыбыт. Массыына сатыы киһи туоруур сиринэн бэлисипиэтиттэн түспэккэ эрэ суолу туораан испит 24 саастаах киһини түҥнэри көппүт. Суол быһылаанын түмүгэр эдэр уол эмсэҕэлээбит.