Хаартыска: социальнай ситимнэртэн
Дмитрий Юрьевич Петров «Магия слов» кинигэ уонна омук тылын түргэнник үөрэтэр учебник ааптара, үөрэх уонна култуура эйгэтигэр РФ Бырабыыталыстыбатын бириэмийэтин лауреата, «Култуура» ханаалга «Полиглот» интеллектуальнай реалити-шоу ааптара уонна ыытааччыта.
Бэйэтэ айбыт омук тылын түргэнник үөрэтэр ньыматынан лингвист 30-тан тахса тылы билэр. Билигин Дмитрий Петров үөрэтэр ньымата омук тылын түргэнник үөрэтэргэ биир саамай көдьүүстээх ньыма быһыытынан билиниллэр.
Бүгүн Дьокуускайга Национальнай бибилэтиэкэҕэ дьону-сэргэни кытта көрсүһүүтүттэн кылгастык билиһиннэрэбит.
Полиглот тылы билэр киһини көмөлөһүннэрэн, саха тылын олох билбэт дьону түргэнник үөрэтэр кууруһу оҥорор былааннаах. Түүр тылыттан татаар уонна казах тылларыгар маннык куурустары оҥорбут уопуттаах эбит. Онно хас биирдиилэригэр 2-лии ыйы атаарбыт. Бу икки ый иһигэр саҥара эрэ үөрэммэтэх, методикатын таһынан, дьону үөрэтэр гына оҥорбут. Кэпсэтэргэ өссө түргэнник үөрэниэххэ сөп диир.
Саха тылыгар бу айбыт куурустарыгар майгынныыр кууруһу оҥорор былааннаах. Оччотугар олох билбэт дьон билэр буолуохтара, иккиһинэн саха тылын саха култууратын кытта тэҥҥэ тутан киэҥ эйгэҕэ таһаарар кыах үөскүүр.
Дмитрий Юрьевич уопутун кистээбэт, мин бастатан туран туохтуур тутулун үөрэтэбин диир. Тоҕо диэтэххэ, туохтуур аҕыйах. Ол кэнниттэн этии бэрээдэгин үөрэтэр. Ол эбэтэр комбинаторика ньыматын туһанар, тыллартан этиини бэрээдэктээн таһаарар.
Оҕо элбэх тылы булкуйа саҥарарыттан куттанымаҥ диэн бэйэтин уопутуттан кэпсиир. Кини улахан уола хинди, нуучча, английскай тыл булкуйа саҥаран улааппыт, ол эрээри кэлин барытын сааһылаабыт. Билигин синхронист-тылбаасчытынан үлэлиир. Элбэх тыллаах буолуу үчүгэйтэн атыны аҕалыа суоҕа диир. Хайа эрэ кэмҥэ хайа эрэ тыл баһыйар эбит. Билигин аан дойду нэһилиэнньэтин 58 бырыһыана икки тыллаах, 15 бырыһыана үс тыллаах диэн этэр полиглот.
“Тылы үөрэтии, мультилингвизм, култуурунай көстүү, өбүгэ тылыгар ытыктабыл, кэпсэтии эрэ буолбатах, бу өссө доруобуйаҕа олус туһалаах, — диир Дмитрий Юрьевич. – Мэдиссинискэй чинчийиилэр көрдөрөллөрүнэн, элбэх тыллаах дьон иммунитеттара хас да төгүл күүстээх. Бу медицинскэй чахчы”.
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…