Дьокуускайга боксер Василий Егоров сарсыардааҥы сэрээккэни ыытыаҕа

Сарсын, бэс ыйын 4 күнүгэр, Европа икки төгүллээх чөмпүйүөнэ, Аан дойду чөмпүйэнээтин үрүҥ көмүс призера, Арассыыйа биэс төгүллээх чөмпүйүөнэ Василий Егоров сарсыардааҥы сэрээккэни ыытыаҕа.

Тэрээһин Газовиктар искибэргэ (Петр Алексеев аатынан уулусса, 74) ыытыллар. Боксер салалтатынан сэрээккэ сарсыарда 8.00 чаастан саҕаланар. Ким баҕалаах бары кыттыахтарын сөп.

Василий Егоровы кытта сарсыардааҥы сэрээккэ Бүтүн Арассыыйатааҕы «Здоровое отечество» уопсастыбаннай хамсааһына ыытар марафон чэрчитинэн ыытыллар.