Дьокуускайга «Боотур» 22-с бөлөҕүн байыаннай дьайыыга атаардылар

Бүгүн Аҕа дойду Дьоруойдарын күнүгэр, ахсынньы 9 күнүгэр, «Боотур» этэрээт байыастара байыаннай дьайыыга кытта барыахтарын иннинэ алгыс сиэрин-туомун аастылар. 22-с бөлөх байыастара бүүгүн Дьокуускайтан көтүөхтэрэ, оттон сорохторо — ахсынньы саҕаланыыта.

«Этэрээккэ үгэстэр баар буоллулар. «Боотур» кыргыһыы толоонугар бэйэтин үрдүк сатабыллааҕын көрдөрдө. Үүнэр көлүөнэҕэ холобур буолар көмүскээччилэринэн буолаҕыт. Чиэстээхтик сулууспалааҥ, дьиэҕитигэр кыайыылаах кэлэргитин күүтэбит», —  диэн Ил Дархан уонна бырабыыталыстыба дьаһалтатын салайааччы Георгий Михайлов эттэ.

«Боотур» кииҥҥэ анал үөрэҕи ааһан, уонча байыас сулууспалыыр сирдэригэр ахсынньы устата тиийиэхтэрэ.