Дьокуускайга «Боотур» этэрээт бирииһигэр ыччат спартакиадатын финала ыытыллыа

Ахсынньы 8-10 күннэригэр Дьокуускайга анал байыаннай эпэрээссийэҕэ кыттар «Боотур» этэрээтин аатынан бириискэ, ыччат өрөспүүбүлүкэтээҕи спартакиадатын түмүктүүр түһүмэҕэ ыытыллыа. Бу туһунан киин куорат дьаһалтата иһитиннэрэр.

Манна 18-тан 35-гэр диэри саастаах ыччат кыттара былааннанар. Спартакиадаҕа өрөспүүбүлүкэ араас улуустарыттан баскетболга, «Куруппааскы» буулдьанан ытыыга, «Хабылык» уонна «Хаамыска» остуол оонньууларыгар итиэннэ байыаннай эстафетаҕа, ханаат тардыһыытыгар күрэхтэһиэхтэрэ.
Уопсай түмүккэ бастаабыт хамаандаҕа УАЗ микроавтобус, оттон 2, 3 миэстэлэргэ харчынан сэртипикээт туттарыллыа. Ону таһынан, биирдиилээн бастыҥ көрдөрүү иһин эмиэ харчынан сэртипикээтинэн бэлиэтэниэхтэрэ.
Санатар буоллахха, ааспыт ый 29-тан улуустарга уонна куораттарга ыччат ортотугар сүүмэрдиир түһүмэхтэр бара тураллар. Сэтинньи 27 күнүгэр кыайыылаахтар биллэн, иккис түһүмэххэ Дьокуускай куоракка күөн көрсүөхтэрэ, илин-кэлин түсүһүөхтэрэ.