Дьокуускайга босхо юридическай көмөнөн туһаныахха сөп

СӨ Үлэҕэ уонна социальнай сайдыыга министиэристибэтин судаарыстыбаннай паблига сорох гражданнар босхо юридическай көмөнөн туһаныахтарын сөбүн туһунан иһитиннэрэр. Чэпчэтиилээх категорияҕа киирсэр буоллаххытына, консультацияҕа суруттарыаххытын сөп.

• кыаммат гражданнар;
• 1, 2, 3 группалаах инбэлииттэр;
• Аҕа дойду Улуу сэриитин кыттыылаахтара, РФ Дьоруойдара, Сэбиэскэй Сойуус Дьоруойдара, Социалистическай Үлэ Дьоруойдара, РФ Үлэ Дьоруойдара;
• инбэлиит оҕолор, тулаайах оҕолор, төрөппүттэрин көрүүтэ-истиитэ суох хаалбыт оҕолор, тулаайах оҕолор сокуоннай бэрэстэбиитэллэрэ;
• аҕам саастаах дьон уонна социальнай тэрилтэлэргэ олорор инбэлииттэр;
• көрүүтэ-истиитэ суох хаалбыттары профилактикалыыр систиэмэлээх тэрилтэлэргэ иитиллэр сааһын ситэ илик оҕолор, көҥүлэ быһыллыбыт сирдэргэ накаастабылы толорор  сааһын ситэ илик оҕолор уонна кинилэр бэрэстэбиитэллэрэ.

Испииһэги толору бу сигэнэн көрүөххэ сөп.

Бырагыраамаҕа кыттар адвокаттар испииһэктэрин бу сигэнэн көрүөххэ сөп.

Эбэтэр Босхо юридическай көмө киинигэр кэлиэххитин сөп: Дьокуускай к., Ленин пр., 28, 209 каб.