Дьокуускайга бу күннэргэ үс киһи суол быһылааныгар эчэйдэ

Бу  нэдиэлэҕэ Дьокуускай куоракка 32 суол быһылаана тахсан, 3 киһи араас эчэйиини ыллылар. Бу туһунан  Госавтоиниспиэксийэ иһитиннэрдэ.

Тохсунньу 19 күнүгэр 12 чаас саҕана   Ярославскай аатынан уулусса 9 нүөмэрдээх дьиэтин таһыгар   «Toyota Corolla» массыына 34 саастаах суоппара көҥүллэммэт сиргэ суолу туораан иһэр киһини түҥнэри көппүт. Ол түмүгэр сатыы киһи эчэйбит.
Тохсунньу 20 күнүгэр 12 чаас саҕана Петр Алексеев уулусса  68г  дьиэтин таһыгар  «Mitsubishi Pajero» 67 саастаах суоппара көҥүллэммэт сиргэ суолу туораан  испит киһини түҥнэри көтөн, сатыы киһи эчэйэн  балыыһаламмыт.

Тохсунньу 22 күнүгэр 18 чаас саҕана  Билибин уулусса 19/10  дьиэтин таһыгар «УАЗ Патриот»  57 саастаах суоппара   Уустаах Избеков уулуссанан айаннаан иһэн, суол быһа охсуһуутугар  хаҥас диэки эргийээри утары иһэр  «Nissan Cube» массыынаны аһардыбатах. Суол быһылаанын түмүгэр  «Nissan Cube» суоппара эмсэҕэлээбит.