Хаартыска: Андрей Сорокин, СИА.
СӨ Бырабыыталыстыбатын Бэрэссэдээтэлин бастакы солбуйааччыта Дьулустаан Борисов 2025 сыл сайыныгар Дьокуускайга «Будущее снабжения. Инновации, технологии, лидерство» III Арктическай пуоруму тэрийии мунньаҕын ыытта.
Пуоруму Айсорс Академията тэрийэр. Тэрээһин СӨ Бырабыыталыстыбатын, “Газпромнефть-Снабжения” уонна генеральнай партнердара “Арктика көҕүлээһиннэрэ” киин көмөлөрүнэн ыытыллыаҕа.
«Пуорум – бу кэллиэс устудьуоннара уонна үрдүкү кылаас үөрэнээччилэрэ билиҥҥи бырагыраамалары билэллэригэр, сөптөөх идэни талан, үлэ биэрээччилэргэ ыйытыы биэрэллэригэр кыах биэрэр. Биһиги бизнес быһыытынан бу хайысхаҕа үбү-харчыны угар наадалааҕын көрөбүт, исписэлиистэрбит мунньуллубут уопуттарын уонна компетенцияларын барытын каадырдары бэлэмниир үөрэх систиэмэтин сайыннарыыга угабыт», — диэн тоһоҕолоон эттэ “Газпромнефть-Снабжения” генеральнай дириэктэрэ Евгений Брагар.
Тэрээһиҥҥэ эрэгийэн бырамыысыланнаһын тэрилитэлэрин, манна туһаайыылаах үөрэх кыһаларын салайааччылара, 200-чэкэ устудьуоннар, үөрэнээччилэр кыттыахтара.
Мунньах түмүгүнэн СӨ Бырабыыталыстыбатын Бэрэссэдээтэлин бастакы солбуйааччыта Дьулустаан Борисов пуорум көҕүлээччилэриттэн уонна эрэгийиэн былааһын уорганнарын бэрэстэбиитэллэриттэн турар тэрээһин кэмитиэтин оҥорорго сорудахтаата, диэн иһитиннэрэр Ил Дархан, бырабыыталыстыба пресс-сулууспата.
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…
Таатта улууһугар СӨ ситэриилээх былааһын уорганнара 2025 сыллааҕы үлэлэрин түмүгүнэн отчуоттара саҕаланна. Бырабыыталыстыба оробуочай бөлөҕүн…