Дьокуускайга «Будущие дипломаты-2026» бастыҥнарын быһаардылар

Дьокуускай куорат «Юный горожанин» киинигэр XX үбүлүөйдээх өрөспүүбүлүкэтээҕи куонкурус муниципальнай түһүмэҕэ ыытылынна. Бу туһунан Дьокуускай куорат үөрэҕин управлениета иһитиннэрэр.

Киин куорат 15 үөрэҕин тэрилтэтиттэн 24 оскуола оҕото эдэр дипломат ааты ыларга күрэстэстилэр. Куонкурус сааһынан икки бөлөххө араарыллан ыытылынна: кыра (5–8 кылаастар) уонна улахан (9–11 кылаастар) лиигэлэр.

Куонкуруска оҕолор нуучча тылынан кэпсээн бэйэлэрин үлэлэрин билиһиннэрдилэр, аан дойду боппуруостарыгар, Арассыыйа устуоруйатыгар уонна кыраайы үөрэтиигэ (география, этнография уонна Саха сирин култуурата) билиилэрин, ону таһынан омук тылын билиилэрин таһымын көрдөрдүлэр. Эспиэрдэр оҕолор логикаларын, аргументацияларын, хомоҕой тылларын уонна аан дойду бэлиитикэтигэр дириҥ билиилэрин сыаналаатылар. Куонкурус түмүгүнэн кыайыылаахтар быһаарылыннылар.

Кыра лиигэҕэ:
1 миэстэ — Васильева Софья, 8 кыл., 5 №-дээх оскуола.
2 миэстэ — Желонкин Савелий, 8 кыл., Куорат классическай гимназията.
3 миэстэ — Колосов Артемий, 5 кыл. 2 №-дээх оскуола.

Улахан лиигэҕэ:
1 миэстэ — Васильев Александр, 10 кыл. Өрөспүүбүлүкэтээҕи лиссиэй-интэрнээт.
2 миэстэ — Софронов Владимир, 9 кл. Дьокуускайдааҕы нацгимназия.
3 миэстэ — Шеломова Александра, 11 кыл. 17 №-дээх оскуола.