Хаартыска: Ykt.Ru
Олунньу 21 күнүгэр Дьокуускайга «Синергия» университекка олохтоох оҥорон таһаарааччылар айбыт сахалыы «BULT» оонньууга бастакы күрэс ыытыллыаҕа.
Тэрийээччилэр этэллэринэн, булт-симуляторга турнир күрэһэ холонон көрүүнэн уонна инникитин кибер-успуорт улахан тэрээһиннэрин ыытарга бэлэмнэниинэн буолар.
«BULT» оонньуу симулятора айылҕа кэрэ көстүүлэригэр уонна булт төрүт үгэс дьарыгар олоҕурар. Оонньооччу икки уостаах саалаах, быалаах уонна фонариктаах сылдьан кустуур. Саҥа турнир дьону-сэргэни аралдьытар эрэ буолбакка, толкуйдааһыны, сымса буолууну уонна хамаанда үлэтин сайыннарар.
Бастакы күрэс кыттааччыларынан төрүт култуура уонна саха норуотун үгэстэрин харыстааһыҥҥа болҕомтотун уурар «Айыы кыһата» национальнай гимназия 30 үөрэнээччилэрэ кыттыыны ылыахтара. Тэрийээччилэр оонньуу сүрүн сыалынан айылҕаҕа харыстабыллаах сыһыаны, булт маастарыстыбатын үөрэтиигэ болҕомтону тардыыны сайыннарар.
«Инникитин геймердэри тардыыга саҥа интэриэһи үөскэтэн, сылын ахсын кибер-турнирдары ыытары былаанныыбыт. Биһиги бу турниры холонон көрүү курдук сыаналыыбыт, инникитин күрэс ыытыллар көрүҥүн уонна мэхэньииһимин сайыннаран өссө киэҥ далааһыннаах кибер-успуорт тэрээһиннэрин ыттар туһугар дьулуһабыт», — диэн Ykt.Ru генеральнай дириэктэрэ, «BULT» оонньуу ааптара Владислав Петров кэпсээтэ.
Саха Өрөспүүбүлүкэтин Бырабыыталыстыбатын 2024 сыллааҕы үлэтин отчуоттуур бөлөх Ньурба улууһугар оробуочай сырыыта олунньу 20 күнүгэр…
Бырабыыталыстыба ситэриилээх былааһа Өлүөхүмэ улууһугар ааспыт сыллааҕы үлэтин отчуотун иитинэн, салайааччылар нэһилиэнньэни приемнаатылар. Бөлөх салайааччыта,…
СӨ Бырабыыталыстыбатын ситэриилээх былааһын отчуота Өлүөхүмэ улууһугар буолан ааста. Барыта түөрт бөлөх үлэлээн, бэҕэһээ Өлүөхүмэ…
Кытай вирусологтара COVID-19 курдук дьону-сэргэни сутуйар кыахтаах саҥа коронавирус булбуттар. South China Morning Post (SCMP)…
Дьокуускай куорат «Триумф» успуорт уораҕайыгар олунньу 25 күнүгэр «Сила в единстве!» норуот аахсыйатын чэрчитинэн Бүтүн…
Ил Дархан Айсен Николаев Алтаҥҥа уунан хааччыйыы тиһигин тутуутун бэрэбиэркэлээтэ. Саҥа эбийиэк хаачыстыбалаах иһэр уунан…