Дьокуускайга бутлегертан 90 лиитэрэттэн тахса арыгыны былдьаатылар

ИДьМ Дьокуускайдааҕы 4 №-дээх полиция отделын участковайа 42 саастаах олохтоох киһи массыынатыттан сокуоннайа суох арыгыны атыылыы сылдьарын тутта.

Онно 90 л. тахса итирдэр утах бородууксуйата былдьанна диэн Арассыыйа ИДьМ «Дьокуускайдааҕы» управлениетын пресс-сулууспата  иһитиннэрэр.

Эр киһи РФ Административнай кодексын  14.17.1 ыстатыйатын 1 чааһынан («Дьоҥҥо испиирдээх уонна арыгы бородууксуйатын сокуоннайа суох биирдиилээн атыылааһына») эппиэтинэскэ тардылынна.