«Азия оҕолоро»: «Green Apelsin» кэнсиэрэ

Бэс ыйын 27 күнүгэр киин куоракка «Азия оҕолоро» спортивнай оонньуулар култуурунай бырагырааматын чэрчитинэн үөрүүлээх быһыыга-майгыга Дьокуускай куорат култуура уонна сынньалаҥ пааркатын  аһыллыыта, кинигэ дьаарбаҥката, оҕо-ыччат айымньытын бэстибээлэ уонна араас хабааннаах кэнсиэртэр ыытыллыахтара.

• 11.00-12.00  -«Книжный ветер» норуоттар икки ардыларынааҕы кинигэ быыстапкатын аһыллыыта — Орджоникидзе болуоссата;
• 12.00-19.00  — «Книжный ветер» норуоттар икки ардыларынааҕы кинигэ дьаарбаҥката —  Орджоникидзе болуоссата;
• 14.00-14.30 — Киин куорат култуура уонна сынньалаҥ пааркатын аһыллыыта  —  Комсомоллар болуоссата
• 12.00-14.00-«Чыпчаал: путь к вершине» оҕо-ыччат айымньытын бэстибээлэ — Орджоникидзе болуоссата;
• 16.00-17.00-«Дьокуускай ыалдьыттарын көрсөр» бырааһынньыктааҕы кэнсиэр — Орджоникидзе болуоссата;
• 17.00-20.00-«Земля Олонхо/ Олонхо дойдутун түһүлгэтэ» кэнсиэр  — Орджоникидзе болуоссата;
• 16.00-17.00 -Г.М. Кривошапко аатынан судаарыстыбаннай филармония кэнсиэрэ — Доҕордоһуу болуоссата;
• 18.00-19.00 —  «Виртуозы Якутии» скрипачтар судаарыстыбаннай ансаамбылын кэнсиэрэ  — Комсомоллар болуоссата;
• 19.00-21.00 — спорстменнары наҕараадалааһын — Комсомоллар болуоссата;
• 21.00 —  «Green Apelsin» кэнсиэрэ — Комсомоллар болуоссата.

«Азия оҕолоро» норуоттар икки ардыларынааҕы успуорт оонньуулара Дьокуускайга бу сыл бэс ыйын 25 күнүттэн от ыйын 7 күнүгэр диэри ыытыллыахтара.

Арассыыйа Бэрэсидьиэнэ Владимир Путин «Азия оҕолоро»  оонньуулары оҕо-ыччат успуордун эйгэтигэр биир саамай интэриэһинэй уонна ситиһиилээх бырайыагынан ааттаабыта.

Ил Дархан  Айсен Николаев «Азия оҕолоро» норуоттар икки ардыларынааҕы успуорт оонньуулара бу сылга аан дойду үрдүнэн оҕолорго биир улахан күрэхтэһиилэр буолуохтарын уонна саамай үрдүк таһымҥа ыытыллалларын бэлиэтээбитэ.