Хаартыска Ил Дархан пресс-сулууспатыттан
Бүгүн өрөспүүбүлүкэ тырааныспарын миниистирэ Владимир Сивцев Дьокуускай куоракка баар «Намыв» ыстаансыйаҕа салгын сыттыктаах суудуналарын тиксэр миэстэлэрин тэрийии боппуроустарыгар көһө сылдьар мунньаҕы ыытта.
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр
Мунньахха Уопсастыбаннай балаата бэрэссэдээтэлэ Николай Бугаев кытынна.
Сыл аайы кэм уларыйарыгар Тырааныспар министиэристибэтэ Өлүөнэ өрүһүнэн дьону уонна таһаҕаһы уу тырааныспарын таһыыны тэрийэр. Дьокуускай куоракка суудуналар 202 уонна 203 микроройуоннарга анныларынан даамбаҕа тохтууллар.
Бу микрооройуон олохтоохторо хаста даҕаны тиэхиньикэ аһара улахан тыасттаҕын уонна итиннэ суудуна тохтуура табыгаһа суоҕун туһунан үҥсүү суруйан тураллар. Ол иһин аны күһүҥҥүттэн салгын сыттыктаах салгын суудуналара тохтуур сирдэрин уларытарга быһаарбыттара.
«Биһиги уопсастыбанньыктарбыт суудуналар сырыыларын бэрээдэктиир туһунан боппуруоһу туруорбуттара, бырабыыталыстыба ону быһаарар, – диэтэ Николай Бугаев. – Манна олохтоохтор уонна 20 сылы быһа биир кытылтан атын кытылга диэри дьону таспыт дьоҕус биизинэс интэриэстэрин эмиэ учуоттуохха наада. Тохтобул миэстэтин уларытыы бу боппуруоһу барытын быһаарыа этэ».
Миниистир Владимир Сивцев эппитинэн, өссө икки сыл анараа өттүгэр уу салгынан суудунатын тохтобулун Дьокуускай куорат 204 микрооройуонун кытылыгар көһөрөргө быһаарыллыбыт.
«Бүгүн «Саха сирин тимир суоллара» хампаанньа уонна «Ленатурфлот» тэрилтэ партнердаһыы чэрчитинэн, салгын сыттыктаах суудуналарын тохтобулун санитарнай ирдэбиллэргэ эппиэттиир «Намыв» ыстаансыйа тутуутун ыыталлар. Сирин көннөрөр, дэхсилиир уонна талахтары быһаттыыр үлэлэр баран тураллар», — диэтэ Владимир Сивцев.
Онон, аны күһүҥҥүттэн, салгын сыттыктаах суудуналара, быстах кэмнээх схеманан «Намыв» ыстаансыйаттан сылдьыахтара. Суудуналар 202, 203 түөлбэлэргэ киирэллэрэ бобуллуо.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…