Дьокуускайга Бүлүүлүүр суолга улахан саахал таҕыста

Дьокуускай куоракка бүгүн улаханнык тымныйан, туманынан бүрүлүннэ.

Бары да билэрбит курдук, туман түстэҕинэ суолга араас быһылаан үгүстүк тахсар, онон сэрэхтээх буолуохха наада.
Бүгүн социальнай ситимнэринэн Дьокуускай куорат Бүлүүлүүр суолун 28-с км-гэр «Scania» уонна «Toyota HiAce» мааркалаах массыыналар харсыһан, уонча киһи эчэйдэ диэн сурах тарҕанна. ГИБДД официальнай иһитиннэриитэ суох эрээри, СӨ Бырабыыталастыбытан бэрэссэдээтэлин солбуйааччы Ольга  Балабкина  телеграмм-ханаалыгар Бүлүүлүүр суол 28-с км буолбут саахалга эчэйбит дьоҥҥо сөптөөх суһал көмө оҥоһуллубутун туһунан иһитиннэрдэ.

Онон, суоппардар, сатыы даҕаны сылдьааччылар, суолга сэрэхтээхтик сылдьыҥ!