Дьокуускайга быстах кэмҥэ ууну уонна уоту араарыахтара

Дьокуускай куоракка өрөмүөннүүр үлэ ыытылларынан сибээстээн, сарсыарда 09:00 чаастан киэһэ 16:00 чааска диэри тымныы ууну аарыахтара. Ууну араарыыга «Б» кыбаартал, ону кытта 70, 59-с кыбаарталлар хапсаллар. Бу туһунан «Водоканал» АУо иһитиннэрэр.

От ыйын 8 күнүгэр киэһэ 22:00 чаастан от ыйын 9 күнүн сарсыарда 06:00 чааска диэри «Водоканал» АУо «Рыдзинскай-Жорницкай КТ – 3-с кыбаарталын котельнайа» уу турбатын учаастагар сууйуу-ыраастааһын уонна дезинфекция үлэлэрэ ыытыллыахтара, тымныы ууну биэрии хааччахтаныа. Ууну араарыыга 2, 3, 150, 151-с кыбаарталлар, Кутузов аат. уулусса 30, 33, Хаан кутар станция, 2№дээх өрөспүүбүлүкэтээҕи балыыһа отделениета, психоневрологическай диспансер, 53-с кыбаартал хапсаллар.

Итини таһынан, Дьокуускай куоракка уоту араарыы былааннанар. Сарсыарда 09:30 чаастан күнүс 12:00 чааска диэри – Яков Потапов уул. 12-16/1, Сэргэлээхтиир шоссе 4 км; 13:30 чаастан  16:00 чааска диэри – 1-кы Академическай переулок 11-20, Чайковскай аат уул. 16, Лонгинов аат уул. 16-24/1, Ильменскэй уул. 1-34, Винокуров уул. 32- 48, Советскай уул. 14- 24/4.