Дьокуускайга быстах хомуур пууна сабылынна

Дьокуускайга «Кыайыы 50 сыла» Успуорт дыбарыаһыгар баазаламмыт быстах хомуурга барааччылар пууннара үлэтин тохтотто. Киин куоракка быстах хомуур бүттэ. Бу дьыалаларынан аны куораттааҕы байаҥкамаат дьарыктаныаҕа. Бу туһунан СИА-ҕа СӨ байыаннай хамыһаара Александр Авдонин иһитиннэрдэ.

«Кырдьык, Дьокуускайга хомуурга барааччылар пууннара сабылынна. Билигин манан куораттааҕы байаҥкамаат дьарыктаныаҕа. Маны сэргэ бэйэлэрин баҕаларынан барааччылары кытта үлэ салҕанар», — диэн Александр Авдонин эттэ.