Ааптар хаартыската
Бүгүн, балаҕан ыйын 8 күнүгэр, Саха сиригэр үс күннээх быыбар саҕаланна. Аан бастакынан Дьокуускай куорат бириэмэтинэн 6.00 ч. Абый, Аллайыаха, Үөһээ Халыма, Муома, Аллараа Халыма, Орто Халыма улуустарын быыбардыыр учаастактара үлэлэрин саҕалаатылар. Онтон салгыы 7.00 ч Дьааҥы, Өймөкөөн уонна Усуйаана улуустарын быыбардыыр учаастактара аһылыннылар.
Саха сирин атын улуустарыгар уонна Дьокуускай куоракка олохтоох бириэмэнэн 8.00 бары быыбардыыр учаастактар куоластааччыларга ааннара тэлэлиннэ.
Дьокуускай куорат 710 №-дээх быыбардыыр учаастага сарсыарда оруобуна 8 чаастан үлэтин саҕалаата. Быыбардыыр учаастак үлэтин Арассыыйа уонна Саха сирин өрөгөйүн ырыатынан, бары эбэһээтэлинэй быраабыланы тутуһан саҕаланна. Бастакынан быыбардыы үөрэммит, нэһилиэнньэ аҕам саастаах араҥата куоластааһыыҥҥа кэлбитин учаастактааҕы быыбардыыр хамыыһыйа бэлиэтиир.
710-с №-дээх быыбардыыр учаастак хамыыһыйатын бэрэссэдээтэлэ Оксана Борисова маннык кэпсиир:
«Биһиги 710-с №-дээх быыбардыыр учаастакпыт улахан учаастактарга киирсэр. Островскай, Петровскай, Октябрьскай, Белинскэй уулуссаларыгар олорооччу дьон куоластыыр. Быыбардааччыларбыт олус көхтөөхтөр, кинилэр уруккуттан быыбардыыр буоланнар, ханна кэлэн куоластыылларын билэллэр. Быйыл испииһэккэ 2595 быыбардааччы киирдэ. Сарсыарда эрдэттэн учаастакка турар уонна көһөрө сылдьар дьааһыктарыбытын пломбалаан, Арассыыйа уонна Саха сирин өрөгөйдөрүн тыаһатан, учаастак үлэтин саҕалаатыбыт. Сарсыарда 8.00 ч. лоп курдук быыбардааччыларбыт тоҕу анньан кэллилэр. Быйыл «мобильнай быыбардааччы» систиэмэнэн куоластыырга 155 киһи сайабылыанньа биэрдэ. СӨ Быһылыгын автобазатын үлэһиттэрэ уонна командировкаҕа киин куоракка кэлбит дьон итинник систиэмэнэн биһиги учаастакпытыгар куоластыахтара. Сарысардааҥы туругунан, 18 сааһын туолбут биир киһи кэлэн куоластаата, киниэхэ биһиги бастакы быыбардааччы диэн өйдөбүнньүк бэлэх туттардыбыт».
710-с №-дээх быыбардыыр учаастак хамыыһыйа бэрэссэдээтэлэ Оксана Ивановна бастакынан Барашков диэн киһи, 8:01 ч. куоластаабытын уонна бу киһи үлэтигэр бастакынан куоластааһыҥҥа куонкурус биллэрбиттэрин эппитин бэлиэтээтэ.
Санатан суруйдахха, Саха сиригэр бүгүҥҥүттэн саҕалаан балаҕан ыйын 10 күнүгэр диэри Ил Дарханы, норуот дьокутааттарын, Дьокуускай куорат Дууматын уонна 21 оройуон сэбиэтин дьокутаатын, итиэннэ 9 улуус баһылыгын талыахпыт.
Бу күннэргэ быыбардыыр учаастактар сарсыарда 8:00 киэһэ 20:00 чааска диэри үлэлиэхтэрэ.
Өрөспүүбүлүкэҕэ байыаннай дьайыы кыттыылаахтарын 225 ыалыгар олорор дьиэни гаастыырга материальнай көмө оҥоһулунна. Бу туһунан СӨ…
«Национальные приоритеты» АНО Арассыыйа Доруобуйа харыстабылын министиэристибэтин кытта «Арыгыта суох олох» диэн арыгыга ылларыыны утары…
Саха сирин кыттааччылара соторутааҕыта Москва куоракка ыытыллыбыт Бүтүн Арассыыйатааҕы “Мин бастыҥ уруогум” педагог идэтин маастарыстыбатын…
Ахсынньы 8 күнэ үүнэр түүнүгэр быыһааччылар Дьокуускай аттыгар ойуурга муммут дьону буллулар. Бу туһунан Быыһыыр…
Эһиил муус устар 1 күнүттэн социальнай биэнсийэлэри уонна судаарыстыбаттан бэриллэр биэнсийэлэри 6,8% үрдэтиэхтэрэ. Бу туһунан…
СӨ Дьокуускай куоратын борокуратуурата бэрэбиэркэ ыытан, 68 саастаах куорат олохтооҕо төлөпүөн нөҥүө үлэлиир түөкүннэр албыннарыгар…