Дьокуускайга чааһынай дьиэ умайа сыста

Бүгүн, алтынньы 30 күнүгэр, Дьокуускайга Неустроев аатынан уулуссаҕа баар чааһынай тутуулар умайбыттарын туһунан иһитиннэрии баһаарынай сулууспаҕа киирбит.

Баһаарынай сулууспа үлэһиттэрэ кэлиилэригэр баһаар аһаҕас уотунан көрсүбүт. Баһаарынай сулууспа суһаллык кэлэн чааһынай дьиэни уокка былдьаппатахтар. Ол эрээри 10 кв.м.иэннээх тутуу уонна массыына уокка былдьаммыттар. Баһаар тахсыбыт биричиинэтин, хоромньутун быһаара сылдьаллар. Баһаары умуруорууга 23  киһи уонна 7 тиэхиньикэ кыттыбыт.