Хаартыска: "Чолбон" сурунаал.
Саха литературатын быстыспат аргыһа «Чолбон» сурунаал «Чолбон Өй күрэһэ» улахан оонньууну быйыл иккис төгүлүн тэрийэн ыытар. Ахсынньы 11 күнүгэр «Смарт» бибилэтиэкэҕэ Дьокуускай куорат ааҕар дьиэ кэргэттэрэ күөн көрүстүлэр.
Быйылгы оонньуу Дьиэ кэргэн, Оҕо аймах сылларыгар анаммыт. Барыта 6 дьиэ кэргэн кытынна. Оонньуу үс түһүмэхтээх: «Саха литературатын төрүттээччилэр», «Репрессияламмыт суруйааччылар», «Аныгы суруйааччылар». Ыйытыылара уустуктар.
Эрийсиилээх киирсии кэнниттэн, Кармановтар дьиэ кэргэттэрэ кыайдылар. Ийэлэрэ Саргылаана Еремеевна икки оҕотун илдьэ кэлбит. Иккис миэстэҕэ Садовниковтар таҕыстылар. Бааллара тэҥнэһэн баран, түмүк түһүмэххэ эрбии биитинии эрийистилэр. Садовниковтар ийэлэрэ эмиэ икки уолун илдьэ кэлбит, уолаттар сахалыы таҥастаахтар. Үһүс миэстэҕэ Кузьминнар таҕыстылар. Ийэлэрэ уолун уонна күтүөтүн кытта кэлбит. Уолаттар ааҕалларын уонна саха литературатын, суруйааччылары билэллэрин көрдөрдүлэр.
Кэрэхсэбиллээҕэ диэн, дьиэ кэргэттэр эбэлэрин, оҕолорун илдьэ кэлбиттэр. Бу көлүөнэлэр утумнаһыыларын көрдөрөр. Оонньуу кэнниттэн кыттааччылар санааларын үллэһиннилэр.
Кыайбыт хамаанда салгыы тохсунньуга финал аҥаарыгар киирсиэҕэ. Онно кыайдахтарына, саха тэлэбиидэнньэтигэр буолар финалга өркөн өйдөөхтөр күөн көрсөллөр.
Алтынньы 17-31 күннэригэр Дьокуускай куоракка ыытылла турар “Чайковский Фест. Якутск” бэстибээл төрдүс биэчэрэ “Евгений Онегин”…
Ааспыт нэдиэлэҕэ Өлүөхүмэ улууһун Заречнай нэһилиэгэр оҕо аймах, дьон-сэргэ кэтэспит кэрэ-бэлиэ күнэ буолла. Ол курдук …
Ыраастаммыт, сууйуллубут куобаҕы өлүүлэргэ араартыыбыт, сибиинньэ эбэтэр сылгы этин кытта булкуйабыт. Эттэри чугуун иһиккэ кутабыт.…
Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал…
Дьокуускай куорат Борокуратуурата Арассыыйа ИДьМ “Дьокуускайдааҕы” СУ МУ РФ ХК 159 ыст. 4 ч. көбүппүт…
Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун…