Хаартыска: Афанасий Ноев ТГ-ханаалыттан
Дьокуускайга чорооҥҥо — саха норуотун култууратыгар сүрүн оруолу оонньуур төрүт үгэс буолбут мас иһиккэ анаммыт документальнай киинэ устуута түмүктэннэ.
Бырайыагынан Москва режиссера Василий Климов дьарыктанна. Үс күн иһигэр айар бөлөх уустары, историктары, худуоһунньуктары уонна олохтоох түмсүүлэр бэрэстэбиитэллэрин кытта интервью ылла.
Камера объективыгар маһы илиинэн чочуйуу, ойуулаан-оһуордаан киэргэтии, чорооҥҥо кыраасканы уонна арыыны сотуу түгэннэрэ киирдилэр. Ураты болҕомто уус-уран ньымаларга эрэ буолбакка, бу мал духуобунай суолтатыгар, номоҕу уонна норуот үгэстэрин кытта ситимигэр уурулунна. Киинэҕэ ону таһынан Саха сирин кэрэ айылҕата, үгэс буолбут дьиэлэр-уоттар, уустар маастарыстыбалара уонна чороон уйгу-быйаҥ, өбүгэҕэ ытыктабыл бэлиэтин быһыытынан туттуллар норуот бырааһынньыктара көстүөхтэрэ.
Документальнай киинэни уһулуу «Арассыыйа норуоттарын материальнайа суох этнокултуурунай нэһилиэстибэлэрин булууга анаммыт фольклорнай эспэдииссийэлэр эргимтэлэрэ» диэн федеральнай бырайыак чэрчитинэн ыытыллар. Кыттааччылар этэллэринэн, бырайыак сыала — ураты култуурунай үгэстэри кэлэр көлүөнэлэргэ анаан харыстааһын уонна киэҥник тарҕатыы. Киинэ сүрэхтэниитэ монтаж үлэтэ түмүктэммитин кэннэ буолуоҕа.
«Кэллиэгэлэрбин ыыппыт үлэлэринэн эҕэрдэлиибин уонна саҥа киинэ тахсарын долгуйа күүтэбит!», — култуура миниистирэ Афанасий Ноев ТГ-ханаалыгар суруйар.
СӨ Дьокуускай куорат суутугар РФ ХК 111-с ыстатыйатын 1-кы чааһынан (соруйан ыар буортуну оҥоруу) көрүллүбүт…
Суукка быһаарыллыбытынан, буруйдаммыт киһи итирик туруктаах сылдьан массыынаны ыыппыта биллибит. Онон, РФ ХК 264.1 ыст.…
Госдуумаҕа адаптивнай больничнай туһунан сокуон бырайыагын киллэрээри гыналлар, оччоҕо үлэһит ыалдьа олорон үлэлиир кыахтанар, хамнаһыгар…
Бэйэлэрин тула дьону түмэр, хамсатар, уопсастыбаннай үлэнэн дьарыктанан, тулалыыр эйгэлэрин тупсарар дьон баар буолаллар. Эдэр…
Байыаннай дьайыы саҕаланыаҕыттан Саха сирин олохтоохторо ким-туох кыахтааҕынан көмөлөһө олороллор. Бу барыта үтүө санаалаах дьон…
Билигин маҕаһыынтан эрэ буолбакка, оннооҕор эмтиэкэттэн табаары уораллар эбит. Дьокуускай куоракка полицейскайдар эмтиэкэттэн табаары уорбут …