Дьокуускайга даачалыыр суол өрөмүөнэ түмүктэннэ

Дьокуускайга Оҕо сэллигин өрөспүүбүлүкэтээҕи санаторийыгар диэри тиийэр суол өрөмүөнэ түмүктэннэ. Покровскай тракт 8-с килэмиэтиригэр баар кылгас суол (620 м. усталаах) дьон даачаларыгар, «Лесовичок», «Каландаришвили» оҕо сынньалаҥ лааҕырдарыгар уонна санаторийга тиэрдэр.

Суол аһыллыытыгар СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников кыттыыны ылла.