Дьокуускайга дьахтар арыгы атыылаһаары биэнсийэлээхтэн төлөпүөнүн уорбут

Дьокуускайдааҕы полиция отделын дьуһуурунай чааһыгар биэнсийэлээх дьахтар кыбартыыратын иһиттэн суотабай төлөпүөнүн уорбуттарын туһунан сайабылыанньа суруйбут.

Хоромньу суумата 15 000 солк. тэҥнэспит. Бу туһунан Саха сиринээҕи ИДьМ пресс-сулууспата иһитиннэрэр.

Буруйу оҥорууга ыаллыы олорор 59 саастаах дьахтар буолара быһаарыллыбыт. Силиэстийэ быһаарыытынан, уорбаланааччы биэнсийэлээхтэн ыаллыы олорорунан харчы иэс көрдөөбүт.

Ол эрээри биэнсийэлээх дьахтар буруйдаах аһыы утаҕынан үлүһүйэрин билэр буолан, аккаастаабыт. Онуоха буруйу оҥорооччу киирии хостон суотабай төлөпүөнү биллэрбэккэ эрэ уоран ылбыт уонна атыылаабыт.

Харчыны уорбаланааччы арыгыны атыылаһарга ороскуоттаабыт. Уоруллубут баай-дуол былдьанна. Буруйдаах дьахтар биэс сылга диэри көҥүлэ быһыллыан сөп. «Уоруу» ыстатыйанан холуобунай дьыала тэрилиннэ.