Дьокуускайга дьахтар эр киһини быһаҕынан куртахха анньыбытынан сууттанна

Дьокуускай куорат суута 1980 с.т. дьахтар эр киһи олоҕор кутталы үөскэппитинэн, доруобуйатыгар буортуну таһаарбытынан холуобунай дьыаланы көрдө.

Силиэстийэ быһаарыытынан, былырыыны алтынньы 15 күнүгэр сарсыарда 10 чаас саҕана киин куорат Марха түөлбэтигэр дьахтар кэргэнин кытта итирик туруктаах сылдьан, иирсээн кэмигэр, быһаҕынан куртахха анньыбыт.

Дьахтар буруйун билиммэтэх. Суут кэмигэр дьахтар кырбаммытын, итирик киһиттэн харыстанан көмүскэнэ сатаабытын туһунан быһаара сатаабыт. Ол эрээри суут дьахтары буруйдааҕынан билиннэ уонна 6 ый болдьоххо эбэһээтилинэй үлэҕэ уураахтаата. Суут бириигэбэрэ сокуоннай күүһүгэр киирэ илик, диэн Дьокуускай куоратын суутун пресс-сулууспата иһитиннэрэр.