Дьокуускайга дьахтар кыбартыыратыгар 45 омугу регистрациялаабыт

Дьокуускайдааҕы полиция отделын үлэһиттэрэ омук гражданнарын миграционнай учуокка сымыйанан учуокка туруоруу түбэлтэтин арыйдылар.

Амма улууһун 35 саастаах олохтооҕо бэйэтин кыбартыыратыгар Кыргызстаан Өрөспүүбүлүкэтин 45 гражданинын сокуону кэһэн регистрациялаабыт. Регистрацияламмыт аадырыстарынан омук дьоно хаһан да олорботохтор.

«РФ сиригэр-уотугар олорор дьиэҕэ омук дойдутун гражданинын эбэтэр гражданствота суох киһини сымыйанан учуокка туруоруу» диэн ыстатыйанан холуобунай дьыала көбүтүлүннэ. Бу ыстатыйанан дьахтар биэс сылга диэри болдьоххо көҥүлэ быһыллыан сөп. Бу туһунан ИДьМ пресс-сулууспата иһитиннэрэр.