Дьокуускайга итирик дьахтар полиция үлэһитигэр ытын киксэрэн буруйданна

Дьокуускай куорат борокуратуурата олохтоох дьахтар туһунан холуобунай дьыалаҕа буруйдуур түмүгүн бигэргэттэ. Кини РФ Холуобунай Кодексатын 318-с ыстатыйатын 1 чааһынан буруйданар. Бу туһунан СӨ Борокуратууратын пресс-сулууспата иһитиннэрэр.

Силиэстийэ быһаарбытынан,  бу сыл бэс ыйын 21 күнүгэр киэһээ буруйданааччы дьахтар Дьокуускай куорат Ильменская уулуссаҕа чааһынай дьиэтигэр итирик туруктаах олорон, полиция үлэһитигэр – учаастактааҕы полиция боломуочунайыгар хаски боруодалаах ытын «фас» диэн хамаанда биэрэн кикпит. Ол түмүгэр, полиция үлэһитин хаҥас тобугун сүһүөҕэр хаан турбут. Буруйданааччы буруйун билиннэ. Буруйу итирик туруктаах сылдьан оҥорбутун быһаарда.

Холуобунай дьыала борокуруорунан сүнньүнэн суут көрүүтүгэр ыытылынна.