Дьокуускайга Даркылаах аттыгар эр киһи ууга түһэн өлбүт

Бэс ыйын 25 күнүгэр күнүс 13:04 чааска 112 суһал нүөмэргэ Дьокуускай куорат Даркылаах оройуонугар быһылаан тахсыбытын туһунан иһитиннэрии киирбит.

Саха сиринээҕи Быыһыыр сулууспата иһитиннэрэринэн, 29 саастаах эр киһи Өлүөнэ өрүскэ ууга былдьаммыт.

Икки эр киһи итирик туруктаах ууга сөтүөлүү сылдьыбыттар. Ол түмүгэр кинилэртэн биирдэстэрэ ууга түспүт. Быһылаан тахсыбыт сиригэр  күнүс 13:06 чааска Быыһыыр сулууспа сэттэ үлэһитэ, оттон 13:49 чааска түөрт водолазтаах бөлөх ыытыллыбыт.  Күнүс 14:40 чааска ууга түспүт киһи өлүгүн булан таһаарбыттар уонна быраабы харыстыыр уорганнарга туттарбыттар.

Саха сиринээҕи Быыһыыр сулууспата Саха сирин олохтоохторун уу эбийиэктэригэр куттала суох буолуу быраабылаларын тутуһалларын санатар: итирик туруктаах сөтүөлээмэҥ, сөтүөлүүргэ анаан оҥоһуллубут миэстэлэри туһаныҥ.