Хаартыска: Саргын Скрябин, СИА
Ахсынньы 9-13 күннэригэр Дьокуускайга социальнай эйгэ салайааччыларын уонна исписэлиистэрин мунньан, ону тэҥэ эпиэкэ уонна попечительство уорганнара кыттыылаах «Сохраним семью для ребенка» өрөспүүбүлүкэтээҕи пуорум ыытыллар.
Пуорумҥа тулаайах хаалыыны сэрэтии, куһаҕан дьаллыктары эрдэттэн көрүү-истии уонна арыгыттан тутулуктаах төрөппүттэргэ анал көмө оҥоруу боппуруостарын дьүүллэһиэхтэрэ.
Пленарнай мунньах кэмигэр СӨ Бэрэсээдээтэлин солбуйааччы Георгий Степанов пуорумҥа көрүллэр сүрүн боппуруоһунан оҕо дьиэ кэргэнин харыстааһын буоларын бэлиэтээтэ.
«Бу сүрүн этиинэн үлэбитин билигин эрэ буолбакка, инникитин даҕаны сүрүннүөх тустаахпыт. Бүгүн судаарыстыба бэлиитикэтэ киһи аймахха хайысхалаах биллэрдик уларыйда. Урут тулаайах оҕолору кытта үлэлиир үлэһиттэр матырыйаалынай- тэхиниичэскэй баазаларын тупсарыы уонна квалификацияларын үрдэтии наадатын туһунан кэпсэтэр эбит буоллахпытына, билигин олус суолталаах тиэмэни дьүүллэһэбит — хас биирдии оҕо дьиэ кэргэҥҥэ иитиллиэхтээх. Оҕону иитии саамай сүрүн усулуобуйата — дьиэ кэргэн», — диэтэ Георгий Степанов.
Сокуоннай саастарын ситэ илик оҕолор дьыалаларыгар уонна кинилэр бырааптарын көмүскээһиҥҥэ хамыыһыйалар ыытар үлэлэрин туһунан дакылааты СӨ Бырабыыталыстыбатын иһинэн сокуоннай саастарын ситэ илик оҕолор дьыалаларыгар өрөспүүбүлүкэтээҕи хамыыһыйа үлэтин-хамнаһын хааччыйыыга отдел кылаабынай исписэлииһэ Надежда Годяева оҥордо. Кини бэлиэтээбитинэн, тулаайах уонна ыал туруктаах буолууларын сэрэтии, оҕолорго көмө оҥоруу хас биирдии туһааннаах тэрилтэ үлэтин биир сүрүн хайысхатынан буолар.
«Сохраним семью для ребенка» пуорум чэрчитинэн улахан дьыалабыай көрсүһүүлэр, семинар-сүбэ мунньахтар уонна«Социальный проект – от идеи к действию» былаһаакка үлэлиэҕэ. Маны таһынан, ахсынньы 12 күнүгэр «Үлэ кыбаартала» креативнай кластерга «Семейный кластер идей» быыстапканы билиһиннэрии уонна Үлэҕэ уонна социальнай сайдыыга министиэристибэтин коллегиятын мунньаҕа буолуоҕа.
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…