Дьокуускайга дьиэттэн эр киһи суулунна, Мэҥэҕэ суол саахалыгар 2 оҕо эчэйдэ

Ааспыт сууккаҕа өрөспүүбүлүкэҕэ буруйу оҥоруу биир түбэлтэтэ, төлөпүөнү уоруу бэлиэтэннэ.

Бу туһунан СӨ Борокуратуурата иһитиннэрэр. Ону таһынан Дьокуускай куорат Лермонтов уулуссатыгар турар элбэх кыбартыыралаах дьиэ 2-с этээһиттэн сууллан, 1977 с.т. эр киһи балыыһаҕа киирдэ. Мэҥэ Хаҥалас улууһугар «Мүрү» айан суолун 7 км-гэр «Тойота Аллион» мааркалаах массыынаны ыытан испит дьахтар уруулун сатаан туппакка, «Тойота Филдер» мааркалаах массыынаны кытары харсыста. Суол саахалын түмүгэр, 2015 сыллаах төрүөх икки оҕо эт-хаан эчэйиитин ылан балыыһаҕа киирдэ.

Ньурба улууһун Акана сэлиэнньэтигэр икки матассыыкыл харсыста. Быһылаан түмүгэр, «Регулмото» матасыыкылы ыытан испит киһи уонна «Ракермото» матасыыкылга олорсон иһээччи балыыһаҕа киирдилэр.