Хаартыска: ЯСИА
Бүгүн, бэс ыйын 25 күнүгэр, киэһэ 19:00 чаастан Дьокуускай куорат Доҕордоһуу болуоссатыгар Арассыыйа Армиятын Киин академическай тыйаатырын, Илин байыаннай уокурук ырыатын уонна үҥкүүтүн ансаамбылын, Д.К. Сивцев-Суорун Омоллоон аатынан Опера уонна балет судаарыстыбаннай тыйаатырын артыыстара кыттыылаах «Наши маяки» диэн холбоһуктаах кэнсиэр ыытыллыаҕа.
Тэрээһин Аҕа дойду Улуу сэриитигэр Кыайыы 80 сылыгар ананар, Саха Өрөспүүбүлүкэтигэр ыытыллар Армия култууратын күннэрин чэрчитинэн буолар.
««Наши маяки» холбоһуктаах кэнсиэр — бу биһиги Ийэ дойдубутун босхолооһун иһин охтубут буойуннарга кэриэстэбил, бу дьиэлэригэр төннүбэтэхтэри уонна фроҥҥа салгыы кыргыһа сылдьааччылары ахтыы», — диэн санаатын үллэһиннэ Саха сиринээҕи Опера уонна балет тыйаатырын дириэктэрэ Владислав Левочкин.
Бырагыраамаҕа Роберт Рождественскай, бэйиэт-фронтовиктар, Донбасс аныгы кэминээҕи бэйиэттэрин Влад Маленко уонна Дмитрий Мельников хоһоонноро, ону тэҥэ «От героев былых времён», «10-й наш Десантный батальон», «Песня женщины» уонна «Офицерские жены» ырыалар тыаһыахтара.
Санатан эттэххэ, Армия култууратын күннэрэ Дьокуускайга бу сыл бэс ыйын 8 күнүттэн 28 күнүгэр диэри ыытыллаллар.
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…