Дьокуускайга дойду бастакы харыйатын уота күлүмүрдүү умайда

Бүгүн, ахсынньы 1 күнүгэр, Дьокуускайга Доҕордоһуу болуоссатыгар дойду үрдүнэн аан бастакынан Саҥа дьыллааҕы күөх харыйа уота күлүмүрдүү умайда.

Тэрээһиҥҥэ өрөспүүбүлүкэ бырабыыталыстыбатын бэрэссэдээтэлэ Кирилл Бычков кыттыыны ылла. Кини олохтоох дьону кэлэн иһэр Саҥа дьылынан эҕэрдээлээтэ уонна хас биирдии киһи баҕа санаата туоларыгар баҕарда.

Бу күн Дьокуускай сүрүн харыйатын кытта биир тэҥҥэ Саха сирин бары улуустарыгар Саҥа дьыллааҕы харыйалар сандаардылар.

Бэлиэтээн суруйдахха, быйыл бу суолталаах тэрээһини Москваҕа буола турар «Россия» норуоттар икки ардыларынааҕы быыстапка-пуорум кэмигэр куйаар ситиминэн көрдөрүөхтэрэ. Пуорум ВДНХ-ҕа буола турар. Манна Тымныы полюһа Өймөкөөн Чысхаана кыттыыны ылыаҕа. Кини Великай Устюгтан кэлбит Тымныы оҕонньорго Кыһын курустаал символын туттарыаҕа, итиэннэ Саха сирин харыйатын туһунан билиһиннэриэҕэ.